Roosevelt Skerrit (natus die 8 Iunii 1972) est politicus Dominicae in insulis Caribicis.
Roosevelt Skerrit in urbe Roseau natus est, matre Francica ex insula Guadalupia oriunda.[1] Alumnus est universitatis civicae Novi Mexici et universitatis Mississippiensis. Legatus est ad parlamentum Dominicanum ab anno 2000 ministerque ab iuventute mox selectus est.
Primus minister Dominicae est a die 8 Ianuarii 2004, successor Petro Charles qui subito mortuus erat. Ab eodem fere die dux est factionis laboris Dominicanae, qua factione in comitiis anni 2005 victrice, Roosevelt Skerrit in officio primi ministri confirmatus est. Munus ministri a rebus externis eisdem temporibus interdum implevit. Praeses iam meruit ordinis civitatum Caribicarum orientalium et Communitatis Caribicae.
Patriciam Scotland, Britannicam e Dominica oriundam, anno 2010 candidatam ad officium secretarii generalis Consortionis Nationum, favebat. Amicus est mercatori Sinensi Ng Lap Seng.[2] Yvetta Laurent, olim magistra scholarum, hodie negotiatrix, eo filium Malik peperit. Uxorem denuo duxit Melissam e qua filium Demetrium genuit.
© MMXXIII Rich X Search. We shall prevail. All rights reserved. Rich X Search