Sarmatae seu Graecius "Sauromates",[1] Scythae gentes, incolebant immensam regionem in septentrione Ponti Euxini, inter Tanaim flumen et Rham flumen. Nullam urbem condiderunt, nam semper per campos vagabantur venatum et pastum.
Punicorum bellorum tempore migraverunt Sarmatae ad terras inter Vistulam et Tanaim, quae regio proprie Sarmatia vocari debet. Ut periti equites, a Romano Imperio stipendium acceperunt ad limitem custodiendum, qua de causa in Francia civitates nonnullae, Sermaise vel etiam Sermizelles nomine, Sarmatarum memoriam hodieque servantes inveniuntur.
© MMXXIII Rich X Search. We shall prevail. All rights reserved. Rich X Search