Soa (Hebraice השואה ha-shoah 'pernicies'; Iudaeogermanice חורבן, Churben vel Hurban, a vocabulo Hebraico pro 'pernicie'), sive Holocaustum (Graece ὁλόκαυστον,[1] ab ὅλος 'totus' + καυστός 'combustus'), fuit caedes generalis vel Iudaeorum Europaeorum occidio circa sex milionum per secundum bellum mundanum effecta, sanguinaria quidem rei publicae gerendae ratio a Germania per terras a se occupatas habita, Adolpho Hitler et factione nazistica ducentibus.[2] Ex Iudaeorum novem millionibus qui in Europa antea habitaverant, circa duae partes necatae sunt, inter quas plus quam milio puerorum Iudaeorum, duo miliones fere mulierum Iudaearum, et tres miliones virorum Iudaeorum.
© MMXXIII Rich X Search. We shall prevail. All rights reserved. Rich X Search