Westley Moore

Westley Watende Omari Moore, vulgo saepius Wes Moore (Takoma Park in urbe die 15 Octobris 1978 natus) est politicus Civitatum Foederatarum.

Annum quintum agens patrem amisit: deinde a matre apud avum maternum presbyterum, qui ex Iamaica migraverat, Bronx in burgo Neo-Eboracensi educatus est. Alumnus est academiae militaris Valley Forge, universitatis Hopkinsiensis, etiam collegii de Wolfson Oxoniensium: ibi tanquam scholaris Rhodianus receptus est.

Gubernator Terrae Mariae die 8 Novembris 2022 electus, die 18 Ianuarii 2023 rite inductus est.