Estambol

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Estambol איסטאמבול İstanbul Paiz  Turkia Pozision 41°00′ N 29°00′ O • Altura 100 m Superfisia 1.538,77 km² Povlasion 10.034.830 mor. (2007) • Densidad 6521 ab./km² Jentilisio istanbulit / istanbulenyo /-a Alkalde Ekrem İmamoğlu (CHP) Pajina web http://www.ibb.gov.tr

Estambol o Istanbul (en Turko: İstanbul, en grego: Κωνσταντινούπολις, Kōnstantinoúpolis, en latina: Constantinopolis, istorikamente Bizansio i dempues Konstantinopla) es la mas grande sivdad de la Turkia i la ultima kapital del Emperio Ottomano. La sivdad es unika, pues esta entre Asia i Evropa. Ay una komunidad djudia en Istanbul ke tiene sirka de 20 esnogas; la su mas grande esnoga es la Neve Shalom, (Neve Şalom Sinagoğu Vakfı en turko, בית הכנסת נווה שלום en ebreo), Oasis de paz o Vaye de paz, la ke esta en el maale de Galata. Ay otrunas maales kon mayor presensia djudia en Estambol, komo Balat en el lado evropeo, i Kuzguncuk en Üsküdar, el lado asiatiko dela sivdad.

Estambol tambien es la kapital komersal de la Turkia, i de fakto la Bolsa de Valores del paiz se topa ayi, endemas dela sede de munchas de las entreprisas mas grandes dela Turkia, komo Koç Holding A.Ş., Türk Hava Yolları (THY), Türk Otomobil Fabrikasi A.Ş (Tofaş), Avea, Turkcell i Arçelik A.Ş.. Estambol endemas es la kapital kulturala de la Turkia, siendo sede de un festival Internasionalo de Filmo i sede de mas de kinze muzeos. Endemas, Estambol fue la kapitala Evropea de la Kultura enel anyo 2010. Las "Areas Istorikas de Estambol" fueron agregadas a la Lista Mundiala de Erensia dela UNESCO enel anyo 1985.^[1]

1. ↑ Salom Estambol.