Linguas germanica

Linguas germanica
Parlada en:	Europa ueste, Scandinavia, America Norde, Africa Sude, Oseania
Area:
Tota parlores:	560 milion (~180 milion en Europa)
Familia:	Linguas indoeuropean  Linguas germanica
State ofisial
Lingua ofisial de:
Regulada par:
Sifras
ISO 639-1:	[1]
ISO 639-2:	gem
ISO 639-3:	[2]
SIL:	[3]
Mapa
La areas do la linguas germanica es parlada en Europa
Vide ance: Lingua – Lista de linguas

La linguas germanica parteni a la familia de linguas indoeuropean. La loca orijinal de la linguas (sirca 1000 aec) es Europa norde, cual es aora Noria, Sveria, Danmarc, Deutxland norde e Nederland norde. Ja en la sentenio 1 aec, la poplas germanica ia entra a Nederland, Deutxland sude, e la rejion de Osteraic moderna, e un ramo de esta familia ia vade de Sveria sude-ueste a la area de Polsca moderna e ia deveni la sufamilia germanica este. Un de esta poplas, la gotos, ia entra a la rejion de Ucraina moderna sirca 200 ec, e ia resta en Dacia (Romania moderna) asta 300 ec.

Sirca 500 ec, multe tribus germanica ia comensa move. De la area de Deutxland e Nederland moderna, la francos e burgundas ia entra a Galia (Frans moderna), la suebas a Espania ueste e Portugal, la anglo-sasones a England este, e la alamanes a Deutxland sude. De Europa este, la gotos ia entra a Italia e Espania este, la langobardas a Italia norde, e la vandales (relatada a la gotas) a un parte de Africa norde (Tunisia moderna). La plu de los ia deveni parlores de linguas romanica, estra la anglo-sasones, la alamanes, e la parte de la francos ci ia resta a norde e este de la Reno.

Sirca 900 ec, alga abitores de England ia entra a Scotland, e alga abitores de Noria ia entra a Island. La dansces e norsces ia prende locas variosa en la ueste de Europa (spesial England, Normandia e Sisilia), e la svensces ia coloni partes de Rusia. Ultima, los ia es asorbeda par la popla orijinal.

En la sentenio 17, England ia comensa coloni partes variosa de la mundo, e ia institui la lingua engles en America norde, Australia, Zeland Nova, e Africa Sude. Ance, Nederland ia coloni partes de Africa Sude. En esta locas, engles e un forma de nederlandes (africans) es parlada oji.