Quel articul chì l'è scrivüü in Lumbard, cun l'urtugrafia insübrica ünificada. |
L'Ucean Pacifich a l'è l'ucean püssee grand del mund e'l quata un terz de la süperfiss terestra, cunt un'area de 179.7 miliun de km². A l'è lungh pressapoch 15.500 km e'l scumincia a nord cunt el mar de Bering (che'l fa anca lü part de l'Ucean Pacifich) e'l riva a süd fina arent a l'Antartid (el mar de Ross); la sua largheza massima est-ovest la se tröa a cinch grad de latitüdin Nord, a l'è de 19.800 km, e l'è la linea che la va de l'Indunesia fina a la costa de la Culumbia. El limit ucidental de l'ucean a l'è situaa de suenz in del stret de Malacca. In de l'Ucean Pacifich al gh'è anca el punt püssee fund de la superfiss terestra, la fossa di Mariann.
El Pacifich al gh'ha dent pressapoch 25.000 isul, püssee de tücc i alter ucean miss insema, e la püssee part a l'è sota l'equadur.
Ai burd del Pacifich a gh'hinn un bel poo de mar e quij püssee grand a hinn el Mar Cines uriental, el mar del Giapun, el mar de Sulu, el mar de la Tasmania e'l mar Giald. El stret de Malacca al giunta l'ucean Pacifich e quel Indian a ovest, e'l stret de Magelan el Pacifich e l'Atlantich a est. Quij dü ucean chì a hinn anca ligaa a travers el canal de Panamà in de l'America Centrala
L'espluradur purtughes Fernando de Magelan l'aveva ciamaa l'ucean cunt el nom de Pacifich, perchè l'era un ucean quiet. In del sò viagg de'l stret de Magelan fina ai Filipinn, el Magallanes l'aveva truaa un mar calm. El Pacifich a l'è però minga semper quiet ma de spess a gh'hinn tifun, üragan che culpissen i isul. In di isul a gh'hinn anca vulcan e poden süced anca teremot e tsunami.
I cinch ucean | ||||
![]() Antàrtic |
![]() Ucean Artich |
![]() Ucean Atlantich |
![]() Ucean Indian |
![]() Ucean Pacifich |
© MMXXIII Rich X Search. We shall prevail. All rights reserved. Rich X Search