China

中华人民共和国 (Zhōnghuá rénmín gònghéguó)
Bandeira Brason
Hino nacional: Marcha de l Beluntários
Gentílico: chinés
Capital	Pequin
Stablecimiento
Ária
- Total	9.596.960 km² (3.º)
- Auga (%)	2,8
Populaçon
- Stimatiba pa 2015	(1.º)
- Censo 1.339.724.852	2013 hab.
- Densidade	145 hab./km²
Gini (2004)	46.9
Moneda	Renminbi (Yuan) (RMB¥)
Fuso hourário	(UTC+8)
Código ISO	CHI
Código de la Anternete	.cn
[[Fexeiro:|270px|center|Mapa {{{nome_mwl}}}]]
1 Co-oufecial cun Anglés an Hong Kong i Pertués an Macau. 2China, Ancyclopaedie Britannica. Besitado an 21-02-2007.

La República Popular de la China (an chinés, 中华人民共和国; pinyin: Zhōnghuá Rénmín Gònghéguó; acrónimo: RPC) ye l terceiro maior paíç de l mundo an ária (ó l quarto, dependendo de cumo se cuntablízen alguas árias çputadas cun outros paízes) i l más populoso de l planeta, acupando ua parte cunsidrable de la Ásia ouriental. Sues frunteiras al Norte son cul Quirguiston, cul Cazaquiston, cula Mongólia i cula Rússia, la Lheste cula Coreia de l Norte, cul mar Amarielho (de l outro lhado de l qual se ancontra la Coreia de l Sul), cul mar de la China Ouriental i cul streito de Taiwan, que la separa de Taiwan (paíç que reibindica), a Sul cul mar de la China Meridional, cul Bietname, cul Laos, cun Myanmar, cula Índia, cul Boton i cul Nepal i a Oeste cul Paquistan, l Afeganistan i l Tadjiquistan.

Cun ua populaçon de más de 1,38 bilhon de habitantes (la maior de l planeta), la China acupa ua superfíce de 9.640.821 Km² (ó 9.676.801 km², se ancluído l território de Taiwan, que la República Popular de la China reibindica). Sue capital ye Pequin.

L Partido Quemunista de la China (PCC) goberna l paíç por meio dun sistema de partido único zde la fundaçon de la República Popular, an 1949. La China stá ambolbida nua longa cuntrobérsia acerca de l status político de Taiwan. L Kuomintang, partido ribal de l PCC durante la guerra cebil chinesa, abandonou la China cuntinental i recuou para Formosa i outras eilhas bezinas apuis de ser derrotado ne l cunflito, an 1949, i reibindica ser l goberno legítimo de to la China i Mungólia, cul nome de República de la China (ambora l goberno de Taiwan cuntrole, de fato, solo Formosa i eilhas menores adjacentes). La República Popular de la China cunsidra la reibindicaçon de la República de la China eilegítima i reibindica, por sue beç, ls territórios sob cuntrole desta redadeira.

Por bias de la sue einorme populaçon, l crecimiento bertiginoso de sue eiquenomie, sous ambestimientos an pesquisa i zambolbimento, sous gastos melitares i sue cundiçon de Stado declaradamente detentor de armas nucleares, la China questuma ser cunsidrada ua superpoténcia eimergente. Ye la quarta maior eiquenomie de l mundo (ó la segunda maior, pul critério de paridade de poder de compra) i repersenta la China cumo nembro premanente de l Cunseilho de Sigurança de las Naciones Ounidas. Zde 1978, l paíç amplementa reformas para adotar, nalgua medida, ua eiquenomie de mercado, l que ajudou a tirar 400 milhones de pessonas de la pobreza. Antretanto, l paíç anfrenta outros porblemas eiquenómicos, tamien l rápido ambelhecimiento de la populaçon i ua crecente çparidade antre la renda urbana i la rural. La China zampenha un papel amportante ne l comércio anternacional, al ser l maior cunsumidor mundial de aço i cuncreto (usa, respetibamente, un terço i más de la metade daqueilhes ansumos) i l segundo maior amportador de petrólio. Ye l terceiro maior amportador de l mundo i l segundo maior sportador, an tenermos globales.

L paíç questuma ser referido cumo "China". La spresson "China cuntinental" correspunde a la República Popular de la China, ambora questume scluir las dues regiones admenistratibas speciales de Hong Kong i Macau. L gentílico de China ye chinés.