Kreta

Kreta (Grieks: Κρήτη, Kriti) is 't grootste Griekse eilaand, en is in grootte 't vuufde eilaand in de Middellaanse Zee. 't Eilaand is, samen mit een paor aandere kortbie-elegen eilaandjes, de meest zujelijke regio van de dartien Griekse regio's.

Deur de goeie ligging tussen de kusten van Klein-Azië, Cyprus, Egypte en Syrië hef Kreta, dat oek wè bekend is as de Venesiaanse benaming Candia, een lange geschiedenisse as centrum van de zeehaandel. Tussen 1600 en 1400 v. Chr. kregen de Kretenzers, zoas de inwoeners van Kreta heten, deur hulen mach op zee een hoog beschavingspeil.