Kongregasi (li Indonesia tarekat religius) no töi wa'awösa fa'alowalangi si so bakha ba agama Niha Keriso. Tradisi wa'awösa simane andre to'ölö lakaoni ia me föna Ordo, bahiza fa'awösa nifasindro safuria lafotöi ia kongregasi.
So tradisi simane andre tenga ha bakha ba agama ndra Niha Keriso, bahiza so göi ba agama bö'ö simane Hindu, Buddha ba Islam
Bakha ba Gereja Katolik awena tola lafotöi sambua wa'awösa "kongregasi" na no ibe'e wanehegö silö'ö-lö'önia Uskup.
Ba mböröta na edöna lafasindro sambua wa'awösa fa'alowalangi ba ha tola moroi khö Paus latema wanehegö.
Furi hö so göi wa'awösa fa'alowalangi simane andre, bahiza ha moguna wanehegö moroi khö uskup ba keuskupan heza toröi wa'awösa andrö. To'ölö lafotöi wa'awösa simane kongregasi.
Ma'ökhö no oi fagölö ira ordo ba kongregasi molo'ö mbosi Paus, bahiza fefu wa'awösa sibohou lafotöi sa'ae kongregasi ba tenga ordo.
Na so wa'awösa si ha tetehegö bakha ba zi sambua keuskupan lafotöi ia ba li Indonesia tarekat diosesan ma institut sekular.
© MMXXIII Rich X Search. We shall prevail. All rights reserved. Rich X Search