Madonna (fødd 16. august 1958) er ein amerikansk popartist kjend verda over for ei rekkje hitsongar og oppsiktsvekkande framsyningar. Nokre av dei kjende songane hennar er «Like a Virgin», «Papa Don't Preach», «Like a Prayer», «Frozen», «Music» og «Hung Up». Madonna har selt over 300 millionar plater og er ifølgje Guinness Rekordbok den mestseljande kvinnelege artisten i verda. Ho er rekna som ei god forretningskvinne og eig eit eige plateselskap, Maverick.
Madonna er utdanna som dansar, og er kjend for sterk koreografi i tillegg til gjennomførte antrekk og ofte også seksuelle og religiøse verkemiddel i musikkvideoane og turneane sine. Artisten er rekna som eit moteikon gjennom eigne framsyningar, og har utforma kledekolleksjonar. Ho har også opptredd som skodespelar i fleire filmar med blanda mottakingar. For hovudrolla i Evita (1996) fekk ho ein Golden Globe-pris. Ho har også skrive barnebøker.
© MMXXIII Rich X Search. We shall prevail. All rights reserved. Rich X Search