Bossa nova

Bossa nova er ein musikktype som utvikla seg i Rio de Janeiro på slutten av 1950-talet. «Bossa nova» eller 'ny måte' viser til at stilen er ein ny måte å spela brasiliansk samba på; samba med jazztonar.^[1]

Stilarten hadde ei stordomstid i Brasil frå slutten av 1950-talet og byrjinga av 1960-talet, fram til dei politiske omveltingane som enda i militærkuppet i 1964.^[1] Stilarten blei svært populær også i enkelte amerikanske jazzmiljø, og fleire bossa nova-songar blei del av standardrepertoaret i jazz. Antônio Carlos Jobim, João Gilberto, Astrud Gilberto, Stan Getz, Herbie Mann, Laurindo Almeida,^[1] Frank Sinatra og Ella Fitzgerald er kjente representantar for stilen.

1. ↑ ^{1,0 1,1 1,2} Bjørntoft, Bjørn Ola; Knudsen, Jan Sverre. «bossa nova». Store norske leksikon. Henta 13. juli 2023.  Fri gjenbruk