We'll Talk About It Later

Meldingar
Karakter
Kjelde	Karakter
Allmusic	[1]

We'll Talk About It Later er det andre studioalbumet til den britiske jazzfusiongruppa Nucleus, gjeve ut i mars 1971.

Det vart spelt inn 21. og 22. september 1970.

Plateomslaget vart laga av Roger Dean og syner eit bilete, valt ut av Ian Carr, som syner ein republikansk barrikade frå det irske opprøret 1916 i Dublin. Dette var eit tema som gjekk att på tidlege Nucleus-albuma og er referert til i titlane på fire spor på dei tre første albuma deira. På dette albumet heiter eine sporet «Easter 1916».

Albumet har ein av få songar av Nucleus med vokal, «Ballad of Joe Pimp», sungen av gitaristen Chris Spedding.

Allmusic skreiv om albumet: «Med Carr sine lange trompet- og flygelhorntonar, Jenkins sin gjennomborande obo og funk-aktige klaverspel, Spedding sin rocka wah-wah-gitar, Smith sin uhemma saksofon og det kraftfulle rytmiske fundamentet til trommeslagaren Marshall og bassisten Jeff Clyne, bør denne utgåva av Nucleus appellere til ein kvar fan av fusion frå seint i 1960- og tidleg i 1970-åra - om det er den britiske Soft Machine-varianten eller den amerikanske Miles Davis-skulen.»^[1]

1. ↑ ^{1,0 1,1} Allmusic review