Pass dal Son Gottard

Pass dal Son Gottard
Autezza	2106 m s.m.
Posiziun	Svizra Andermatt (Uri) – Airolo (Tessin)
Chadaina	Alps

Il Pass dal Son Gottard (er Pass dal Gottard u simplamain Gottard, tudestg Gotthardpass, talian Passo del San Gottardo) ha furmà tranter il 13avel tschientaner e la construcziun dal tunnel d’autostrada dal Gottard (1980) ina da las pli impurtantas colliaziuns nord-sid da l’artg alpin. Cun il term ‹axa dal Gottard› vegn designada l’axa da traffic che maina sur il Massiv dal Gottard u sut quel ora (via d’autos e viafier). Ella furma la colliaziun da traffic la pli directa tras las Alps Centralas, damai ch’ella maina sur be ina chadaina da muntognas. Per quel motiv ha l’axa dal Gottard – cuntrari al pass sco tal – mantegnì fin oz sia muntada europeica sco center dal transit alpin. Il num dal pass deriva dal sontg Godehard da Hildesheim.^[1]

1. ↑ Infurmaziuns generalas tenor Lexicon Istoric Svizzer.