Jacob Zuma

Jacob Gedleyihlekisa Zuma ( 12 Apreli 1942)^[1] ngusopolitiki wase Ningizimu Afrika lowaba ngumengameli wesine wase Ningizimu Africa kusukela nga-2009 kuya ku-2018. Uphindze abitwe nga JZ kanye neligama lesigodlo lelitsi Msholozi, kantsi bekangumlweli welubandlululo, lilunga le-Umkhonto weSizwe, kanye nemengameli we-African National Congress (ANC) emkhatsini wa-2007 na-2017.^[2]

Zuma watalwa endzaweni yasemakhaya yase Nkandla, nyalo leseyincenye yesifundza sase KwaZulu-Natal kanye nesikhungo sekusekelwa kwaZuma. Wajoyina iANC aneminyaka lelishumi nesikhombisa ngemnyaka wa 1959 wase ucitsa iminyaka lelishumi eRobben Island ejele njenge siboshwa setembusave^[3]. Wahamba waya ekudzingisweni ngemnyaka wa 1975 wase ekugcineni ubekwa kuba ngumphatsi welitiko lebuhlakani be ANC. Ngemuva kwekuvalwa kwe ANC ngemnyaka wa 1990, washeshe wakhuphuka waba ngumholi waleli cembu waphindze waba lisekela labhalane jikelele ngemnyaka wa 1991, waba ngusihlalo waleli cembu ngemnyaka wa 1994, waphindze waba lisekela lamengameli ngemnyaka wa 1997^[4]. Bekangumengameli weNingizimu Afrika kusukela nga-1999 kuya ku-2005 ngaphansi kwaMengameli Thabo Mbeki, lobekangumlandzeli waNelson Mandela. Mbeki wacosha Zuma mhlaka 14 Inhlaba 2005 ngemuva kwekutsi umeluleki wetimali waZuma, Schabir Shaik, atfolwe anelicala lekukhokha inkhokhelo yemali ku Zuma ngekuhlobana ne Arms Deal. Zuma wabekwa licala lenkhohlakalo waphindze wakhululwa ecaleni lekudlwengula ecaleni lelatiwa kakhulu ngemnyaka wa 2006. Wakhona kugcina kusekelwa kwemanyene esencele ngekhatsi kwe ANC, lokwamvumela kutsi akhiphe Mbeki njengemengameli we ANC ngenyanga yeNgongoni nga 2007 emhlanganweni we ANC ePolokwane

Script error: No such module "Check for unknown parameters".

1. ↑ https://en.wikipedia.orgview_html.php?sq=M142 HIMARS&lang=ss&q=Jacob_Zuma#cite_ref-1
2. ↑ ander, Alice (19 December 2007). "Durban basks in Zuma's ANC victory". BBC News. Archived from the original on 24 December 2007. Retrieved 14 September 2008.
3. ↑ Masuabi, Chris Makhaye and Queenin (11 August 2023). "No prison time for Jacob Zuma after 'remission' decision
4. ↑ Gordin, Jeremy (2008). Zuma, A Biography. Jonathan Ball. ISBN 978-1-86842-263-0