Zoroastrianismo

Bahagi ng isang serye tungkol sa
Zoroastrianismo
Ang Faravahar na pinaniniwalaang depiksiyon ng isang fravashi
Mga pangunahing paksa
Ahura Mazda Zarathustra aša (asha) / arta
Mga anghel at demonyo
Mga Amesha Spenta · Mga Yazata Mga Ahura · Mga Daeva Angra Mainyu
Kasulatan at pagsamba
Avesta Gathas · Yasna Vendidad · Visperad Yashts · Khordeh Avesta Ab-Zohr The Ahuna Vairya Invocation Fire Temples
Mga salaysay at mga alamat
Dēnkard · Bundahišn Book of Arda Viraf Book of Jamasp Story of Sanjan
Kasaysayan at kultura
Zurvanism Calendar · Festivals Marriage Eschatology
Mga tagasunod
Mga Zoroastrian sa Iran Mga Parsi · Mga Irani • • • Pag-uusig ng mga Zoroastrian
t u b

Ang Zoroastrianismo (English: Zoroastrianism) na tinatawag ring Mazdaismo at Magianismo ay isang relihiyong batay sa mga katuruan ng propetang si Zoroaster na kilala rin bilang Zarathustra sa Avestan. Ito ay dating isa sa pinakamalaking mga relihiyon. Ito ay malamang na itinatag noong mga panahong bago ang ika-6 siglo BCE sa silanganing bahagi ng Dakilang Iran. Sa Zoroastrianismo, ang manlilikhang si Ahura Mazda ay buong mabuti at walang kasamaan na nagmumula sa kanya. Kaya sa Zoroastrianismo, ang kabutihan at kasamaan ay may dalawang mga pinagmumulan na ang masama (druj) ay sumusubok na wasakin ang nilikha ni Mazda (asha) at ang mabuti ay sumusubok na panatilihin ito. Bagaman si Ahura Mazda ay hindi imanente sa daigdig, ang kanyang nilikha ay kinakatawan ng mga Amesha Spenta at malaking bilang ng ibang mga Yazata na sa pamamagitan ng mga ito ay ang mga gawa ng diyos ay ebidente sa sangkatauhan at sa pamamagitan ng mga ito ay ang pagsamba kay Maza ay dinirekta. Ang pinakamahalagang mga teksto ng relihiyong ito ang Avesta na ang malaking bahagi ay nawala at ang karamihan ay mga liturhiya lamang ang umiiral. Ang mga nawalang bahagi nito ay tanging malalaman sa mga sanggunian at maikling mga sipi sa mga kalaunang akda mula ikasiyam at ikalabing isang siglo. Sa ilang anyo, ito ay nagsisilbi bilang relihiyong pambansa o pang-estado ng malaking bahagi ng mga taong Irani sa loob ng maraming mga siglo. Ang relihiyong ito ay naging kaunti nang ang Imperyong Achaemenid ay sinakop ni Alexander the Great at pagkatapos ay gumuho at nagkahati hati. Ito ay kalaunang unti unting itinuring na mababa ng Islam mula ikapitong siglo CE at patuloy sa pagbagsak ng imperyong Sassanid. Ang kapangyarihang pampolitika ng pre-Islamikong mga dinastiyang Irani ay nagbigay sa Zoroastrianismo ng malaking prestihiyo sa mga sinaunang panahon at ang ilang mga nangungunang doktrina nito ay tinanggap sa ibang mga sistemang relihiyoso. Tinatayang may mga 124,000 at 190,000 na mga Zoroastriano sa buong mundo.^[1]

1. ↑ Goodstein, Laurie (6 Setyembre 2006). "Zoroastrians Keep the Faith, and Keep Dwindling - NYTimes.com". The New York Times. New York: NYTC. ISSN 0362-4331. Nakuha noong 17 Setyembre 2012.{{cite news}}: CS1 maint: date auto-translated (link)