Empresariu

Un empresariu ye aquella persona que, de forma individual o coleutiva, afita los oxetivos y toma les decisiones estratéxiques alrodiu de les metes, los medios, l'alministración y el control de les empreses y asume la responsabilidá tanto comercial como llegal frente a terceros. L'empresariu ye la persona física, o xurídica, que con capacidá llegal y de una manera profesional combina capital y trabayu coles mires de producir bienes y/o servicios pa ufiertalos nel mercáu con cuenta de llograr beneficios.

El términu xeneralmente aplícase tanto a les altes capes de xerencia -los llamaos direutores executivos —por casu Steve Jobs y Bill Gates— como a los miembros del conseyu d'alministración o xunta de direutores —por casu: Sergio Marchionne y Ramón Aboitiz— o a dalgunos accionistes (xeneralmente "accionistes mayoritarios" o aquellos que tienen múltiples inversiones —por casu: Warren Buffett y Ricardo Claro— y, xeneralmente, a los propietarios d'empreses de cualquier tamañu.

Puede suxurise que nel rol del empresariu atopen trés funciones distintes: la de propietariu, capitalista o financieru; la de xerente o Alministración#El papel del alministrador alministrador; y la d'entamador o innovador qu'asume riesgos.

Jean-Baptiste Say suxure nel so Traité d'économie politique de 1803 que "ye raru que tales empresarios sían tan probes que nun tener a lo menos parte del capital qu'empleguen"; que "él ye'l llazu de comunicación ente los distintes clases de productores, como ente los productores y los consumidores. Él dirixe'l negociu de la producción y ye el centru de munchos alcuentros y rellaciones; él fai ganancia de la so conocencia y de la inorancia d'otros, y de cualquier ventaya accidental de producción"; que "el méritu del mercader que llogra, al traviés del bon manexu faer que'l mesmu capital seya abondu pa espandir un negociu ye precisamente análogu al del inxenieru, que simplifica la maquinaria o la fai más granible", y nota coles mesmes que "l'empresariu ta espuestu a tolos riesgos, pero sicasí aprovéchase de tolo que puede se-y favorable".^[1]

1. ↑ Say: Traité d'économie politique - ver traducción en: Tratáu d'Economía Política