International Standard Book Number

International Standard Book Number, atawa ISBN (arti harpiah Basa Indunisia: Nomor Buku Standar Internasional), adalah paminanduan gasan buku-buku nang dipakai sacara kumirsial. Sistim ISBN di'ulah di Britania Raya pas tahun 1966 idabul sa'ikung padagang buku wan pakakas tulis W H Smith wan mulanya disambat Standard Book Numbering atawa SBN (dipakai hampau tahun 1974). Sistim ngini diadupsi sabagai satandar antarabangsa ISO 2108 tahun 1970. Paminanduan sarupa, International Standard Serial Number (ISSN), dipakai gasan publikasi pariudik kaya majalah.

ISBN dipakai gasan pancungulan buku. Numur ISBN kada kawa dipakai babarang haja, musti diatur ulih sabuting lambaga antarabangsa nang ba'andak di Berlin, Jerman. Gasan mandapatakannya kawa digawi lawan mahubungi pabadalan lambaga ISBN di saban nagara nang sudah ditunjuk ulih Lambaga Antarabangsa ISBN. Pabadalan lambaga antarabangsa ISBN di Indunusia adalah Perpustakaan Nasional RI pas ditunjuknya lambaga ngitu manjadi badan nasiunal ISBN gasan wilayah negara kesatuan Republik Indonesia (NKRI) pas tahun 1986. Kasapakatan ba'imbai (Memorandum of Understanding/MoU) lawan Internasional ISBN Agency wan Parpustakaan Nasiunal RI gasan urusan ISBN ditandatangani pas tanggal 31 Marit 2005.^[1]

1. ^ lihat buku Pedoman penyelenggaraan layanan ISBN, ISMN, KDT dan barcode Perpustakaan Nasional RI, penyunting, Prita Wulandari, Ratna Gunarti, Perpustakaan Nasional RI, 2014.