Caspar David Friedrich

Caspar David Friedrich
Vida
Nacimientu	Greifswald[1], 5 de setiembre de 1774[2]
Nacionalidá	Reinu de Prusia [3]
Grupu étnicu	Alemanes
Muerte	Dresde[4], 7 de mayu de 1840[2] (65 años)
Sepultura	Trinitatis Cemetery (en)
Familia
Padre	Adolph Gottlieb Friedrich
Madre	Sophia Dorothea Bechly
Casáu con	Caroline Friedrich
Fíos/es	Adolf Friedrich (es) [5]
Hermanos/es	Christian Friedrich (en)
Estudios
Estudios	Real Academia de Belles Artes de Dinamarca Universidá de Greifswald (1790 -
Llingües falaes	alemán[6]
Alumnu de	Johann Gottfried Quistorp (es) Thomas Thorild Christian August Lorentzen Jens Juel
Oficiu	pintor, escultor, dibuxante arquiteutónicu, acuarelista, grabador, dibuxante, pintor de paisajes (es)
Llugares de trabayu	Dresde, Greifswald, Copenḥague, Neubrandenburg, Loschwitz (es) y Viena
Emplegadores	Escuela Superior de Bellas Artes de Dresde (es)
Trabayos destacaos	Dos hombres contemplan la luna (es) El mar de hielo (es) The Tree of Crows (es)
Movimientu	Romanticismo alemán (es) [7]
Xéneru artísticu	pintura de paisaxe pintura de xéneru semeya
Creencies
Relixón	Luteranismu

Caspar David Friedrich (5 de setiembre de 1774, Greifswald – 7 de mayu de 1840, Dresde) foi un pintor paisaxista del romanticismu alemán del Sieglu XIX, xeneralmente consideráu l'artista alemán más importante de la so xeneración.^[8] Ye conocíu polos sos paisaxes alegóricos del so periodu mediu qu'amuesa figures contemplatives opuestes a cielos nocherniegos, borrines mañaneres, árboles maneros o ruines gótiques. El so interés primariu como artista yera la reflexón de la naturaleza, el so trabayu de cutiu simbólicu y anti clásicu intenta dar una respuesta suxetivo y emocional al mundu natural. Les pintures de Friedrich establecen la presencia humana nuna perspeutiva menguada en contraste a estensos paisaxes, amenorgando les proporciones a una escala que, según l'historiador d'arte Christopher John Murray «dirixe la mirada del espectador escontra la so dimensión metafísica».^[9]

Friedrich maureció nuna dómina na que crecía la desilusión en tola clase media europea dando llugar a una nueva apreciación de la espiritualidá. Esti cambéu nos ideales esprésase de cutiu al traviés d'una revaluación de la naturaleza, n'artistes como Friedrich, Joseph Mallord William Turner y John Constable que trataron de representar la naturaleza como una creación divina, que tien d'afaese contra l'artificiu de la civilización humana».^[10]

Los trabayos que Friedrich realizó traxéron-y sonadía bien ceo na so carrera, y contemporáneos sos como l'escultor francés David d'Angers describir como l'home qu'afayara «la traxedia del paisaxe». Sicasí, la so obra cayó en desgracia mientres los sos últimos años y él morrió na escuridá; en pallabres del historiador del arte Philip Miller «mediu llocu». Mientres Alemaña migraba escontra la modernización a finales del Sieglu XIX, un nuevu sentíu d'urxencia caracterizó l'arte, y les descripciones contemplatives y d'apaciguadura de Friedrich aportaron a vistes como'l productu d'una dómina pasada. El Sieglu XX traxo consigo una anovada apreciación de la so obra, a partir de 1906 con una esposición de trenta y dos de les sos pintures en Berlín. Pa la década de 1920 les sos pintures fueren afayaes polos espresionistes. Na década de 1930 y principios de 1940 los surrealistes y esistencialistes tomaron con frecuencia idees emprestaes del so trabayu. L'ascensu del nazismu en 1930 traxo consigo'l resurdimientu de la popularidá de Friedrich, pero esti decayó xunto col réxime por cuenta de la errónea asociación del so nacionalismu con esta ideoloxía. Nun foi sinón a finales de 1970 cuando Friedrich recuperó la so reputación como iconu del romanticismu alemán y pintor de sonadía mundial.

1. ↑ Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
2. ↑ ^{2,0 2,1} Afirmao en: Gemeinsame Normdatei. Data de consulta: 26 abril 2014. Llingua de la obra o nome: alemán. Autor: Biblioteca Nacional d'Alemaña.
3. ↑ «LIBRIS» (15 ochobre 2012). Consultáu'l 24 agostu 2018.
4. ↑ URL de la referencia: https://rkd.nl/explore/artists/29498.
5. ↑ Afirmao en: Union List of Artist Names. Identificador ULAN: 500116242. Data d'espublización: 5 marzu 2021. Data de consulta: 21 mayu 2021. Llingua de la obra o nome: inglés.
6. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
7. ↑ URL de la referencia: https://www.britannica.com/biography/Caspar-David-Friedrich.
8. ↑ VAUGHAN, William (1994). Yale University: German Romantic Painting (n'Inglés). New Haven (Connecticut): Yale University Press, páx. 65. ISBN 0-300-02387-1.
9. ↑ MURRAY, Christopher John (2004). Fitzroy Dearborn: Encyclopedia of the Romantic Era, 1760-1850 (n'Inglés). Londres: Taylor & Francis Group, páx. 338. ISBN 0-300-02387-1.
10. ↑ VAUGHAN, William (2004). Friedrich (n'Inglés). Oxford Oxfordshire: Phaidon Press, páx. 7. ISBN 0-7148-4060-2.