Mikrofilmo

Mikrofilmo aŭ mikrokopiaĵo estas forte malgrandigita, fotografia aŭ elektronika kopiaĵo de presitaj aŭ aliaj grafikaj materialoj. La mikrofilmo estas denove grandigebla kaj kopiebla per konvena opta aparato. Per la mikrokopiaĵo, la dokumentoj estas rezerveblaj en malgranda loko kaj facile atingebla metodo.

Oni uzas ĉefe 35- kaj 16-mm-ajn filmojn, sed ankaŭ la t.n. mikroplanfilmon, kiu havas la formaton de 105 mm × 148 mm. Standardaj malgrandigaj proporcioj por 16-mm-a mikrofilmo estas 1:20, 1:24, 1:32, 1:40, 1:42, 1:48 kaj 1:96; por 35-mm-a mikrofilmo 1:7,5, 1:10,5, 1:14,8, 1:21, 1:29,7.