Stuxnet

Stuxnet
Irudi gehiago
Jatorria
Aurkikuntza data	Adierazpen errorea: puntuazio karaktere ezezaguna "["
Ezaugarriak
Deskribapena
Honen parte da	Operation Olympic Games (en)

Stuxnet Windows ordenagailuei eragiten dien harra da, 2010eko ekainean aurkitu zuen VirusBlokAda-k, Bielorrusian oinarritutako segurtasun-enpresa batek. Industria-sistemak zelatatzen eta birprogramatzen dituen lehen harra da, ^[1] zehazki, prozesuak kontrolatzeko eta monitorizatzeko SCADA sistemak, eta zentral nuklearrak bezalako azpiegitura kritikoetan eragina izan dezake. ^[2]

Stuxnet gai da kontrolatzaile logiko programagarriak birprogramatzeko eta egindako aldaketak ezkutatzeko.^[3] PLC sistema birprogramagarrietarako rootkit-a duen lehen zizarea ere bada.^[4]

Kaspersky Lab segurtasun digitaleko konpainia errusiarrak honela deskribatu zuen Stuxnet prentsa ohar batean: "Arma zibernetiko baten prototipo funtzional eta beldurgarri bat da, mundu mailako armagintza karrera berri bat sortzera eramango duena". Kevin Hogan Symantec-eko exekutiboak ohartarazi zuen harrak kutsatutako ordenagailuen %60 Iranen daudela, bere instalazio industrialak helburu izan litezkeela iradokiz. Kasperskyk ondorioztatu du erasoak soilik "nazio burujabe baten babesarekin" gertatu ahal izan zirela, Iran benetako gerra zibernetiko baten lehen helburu bihurtuz.^[5]

BBC eta Daily Telegraph hedabideek diotenez, zizarearen helburu probableena Iranenak ziren balio handiko azpiegiturak eta Siemensen kontrol sistemak izan zitezkeen.^[6][7] India Times hedabideak zabaldu duenez, litekeena da erasoak Bushehreko planta nuklearra martxan jartzea atzeratu izana.^[8] Iturri irandarren arabera, erasoa "gerra elektronikoa" izan da, baina kalteak instalazioetan ahalik eta txikienak izan dira.^[9] New York Times hedabide estatubatuarrak, esaterako, AEBetako eta Israelgo zerbitzu sekretuei egotzi die bere lana.^[10]

1. ↑ Robert McMillan. (16 de septiembre de 2010). Siemens: Stuxnet worm hit industrial systems. Computerworld.
2. ↑ Stuxnet worm hits Iran nuclear plant staff computers. BBC News.
3. ↑ Gregg Keizer. (2010eko irailaren 16a). Is Stuxnet the 'best' malware ever?. Infoworld.
4. ↑ Last-minute paper: An indepth look into Stuxnet. Virus Bulletin.
5. ↑ ^{[Esteka hautsia]}
6. ↑ Fildes, Jonathan. (2010eko irailaren 23a). Stuxnet worm 'targeted high-value Iranian assets'. BBC News.
7. ↑ Stuxnet virus: worm 'could be aimed at high-profile Iranian targets’. The Daily Telegraph 2010eko irailaren 23a.
8. ↑ Software smart bomb fired at Iranian nuclear plant: Experts. Economictimes.indiatimes.com 2010eko irailaren 24a.
9. ↑ ^{[Esteka hautsia]}
10. ↑ El mundo, 2010eko irailaren 24a Israel y EEUU crearon el virus que dañó el programa nuclear iraní