Antiarmenismu

Conozse como antiarmenismu (tamién referíu como sentimientu antiarmeniu) a la hostilidá o los prexuicios escontra la población, cultura o República d'Armenia, pudiéndose amosar dende espresiones individuales de racismu hasta manifestaciones orquestaes por dalgún Estáu en forma de persecución. Diverses organizaciones señalaron que les dificultaes qu'esperimenten les minoríes armenies en Turquía son el resultáu de l'actitú antiarmenia exercida pol gobiernu de dichu país,^[1] y por grupos ultranacionalistes turcos como la organización paramilitar Llobos Grises. Tales sentimientos son tamién prevalentes n'Azerbaixán arriendes de los conflictos que desaguaron na Guerra d'Altu Karabakh y tamién por razones polítiques.

L'antiarmenismu modernu escarez d'una base racial y cultural. Ta más encimentáu na cuestión xeopolítica y na historia, amás de los intereses estratéxicos y diplomáticos qu'arreyen a los modernos estaos de Turquía y Azerbaixán. El discutiniu y les emociones qu'arrodien l'asuntu del xenocidiu armeniu y Nagorno-Karabakh son dos exemplos del intensu antiarmenismu qu'esiste en dambos países. Estos fechos nun impliquen por sí mesmos un odiu direiutu escontra'l pueblu armeniu como una nación, pero tienden a reflexar les tensiones históriques y polítiques ente estos dos países. L'antiarmenismu ta de normal acomuñáu a la estrema oposición de les aiciones de la República d'Armenia y a la creyencia d'una combalechadura armenia pa la revisión histórica. Según la supuesta falsificación de la historia con fines políticos y la creyencia de qu'Armenia ta tratando de anexonase territoriu de los sos países vecinos inxustamente.

1. ↑ Armenian Swiss website.