Apple

Dä Artikel behandlet s Undernähme Apple Inc. Für anderi Bedütige vo „Apple“ lueg Apple (Begriffsklärung).

Apple Inc.
Unternähmensform	Incorporated
ISIN	US0378331005
Gründig	1976
Sitz	Cupertino, USA
Leitig	Timothy D. Cook (CEO)
Mitarbeiter	46.600 (28. Oktober 2010)
Umsatz	65,225 Mrd. USD (2010)
Branche	Hardware- und Softwarehersteller
Uffdritt im Netz	www.apple.com

Apple Inc. [ˈæpəlˌɪŋk] (früener Apple Computer Inc.) isch en Undernähme, wo si Hauptsitz z Cupertino, Kalifornien (Vereinigte Staaten) het und wo Kompiuter, Underhaltigselektronik, Bedriibssüstem und Aawändigssoftweer herstellt. Apple isch am 1. April 1976 vom Steve Jobs, Steve Wozniak u vom Ronald Wayne gründet worde. Apple het in de 1970er Johr zu de erste Hersteller vo Personal Computer ghöört und het vil gmacht, ass si sich verbreitet häi. Wo die grafische Benutzeroberflechene und d Muus in de 1980er Johr kommerziell iigfüehrt worde si, isch Apple as Ersti drbii gsi. Wo dr iPod 2001 erschiine isch, s iPhone 2007 und s iPad 2010 het Apple sis Gschäft immer meh vo de Kompiuter uf anderi Broduktberiich usgwiitet. D Määrtforschigsgruppe Millward Brown säit, ass d Marke Apple mit eme Wärt vo öbbe 153,29 Milliarde US-Dollar die wärtvollsti Marke uf dr Wält sig.^[1] Wemm mä s an dr Määrtkapitalisierig misst, isch Apple im August 2011 e Zit lang s wärtvollste Undernähme uf dr Wält gsi.^[2]

1. ↑ Archivierte Kopie. Archiviert vom Original am 6. Oktober 2011; abgruefen am 11. Oktober 2011. 
2. ↑ Apple closes as the most valuable company in the world. macrumors.com, 10. August 2011, abgruefen am 11. August 2011 (änglisch).