Dynastie

Ä Dynaschtii (vom griechische: dynástes, Herrscher) bezeichnet ä Familie im allgemeine vo mehr as zwei Generatione vo Herrscher. Dr Begriff wird hüt hüfig au für Familie bruucht, wo mehreri Mitgliider drvo im öffentlige Läbe odr in dr Wirtschaft wichdigi Positione inähme, aber au allgemein as „Familiedynaschtii“ für Grossfamilie.

D Dynaschdie in dr Gschicht vom enä Land wärde unterschiide srdur, ass mä

• si nummeriert, wie die ägyptische Dynaschdie,
• ihne dr Name vom Begründer vo dr Dynaschdii git: bi de fränkische Karolinger dr Huusmaier Karl Martell, bi de alte Ägypter redet mä mänggisch vo Thutmoside für d Abkömmling vom Pharao Thutmosis I. odr Ramesside (noch em Ramses III.) anschdatt vo dr 19. Dynaschdii.
• sich uf ihri Härkumft bezieht: die indischi Moguledynaschdii, wo vo Mongolie, odr die ägyptisch kuschitischi Dynaschdii, wo vo Kusch (Äthiopie) cho isch.
• si mit em Familiename vo de Herrscher bezeichnet: die schwedischi Wasa- odr die änglisch Windsor-Dynaschdii.
• dr Schdammsitz as Bezeichnig nimmt: die preussische Hohezollere odr die öschdriichische Habsburger.