EXO

EXO
An EXO kan Hunyo 2016
Kamundagan	Seoul, Sur na Korea
Trabaho	Grupo o banda
Mga taon na aktibo	2012–Ngunyan
Musical career
Mga genre	K-pop Contemporary R&B Hip hop EDM Electropop Dance-pop
Mga instrumento	Boses
Mga tatak	SM Entertainment Avex Trax
Katakod na akto	SM Town Exo-CBX Exo-SC SuperM
Websityo	exo.smtown.com

An EXO iyo sarong Sur na Koreano–Tsino na boy band na nakabase sa Seoul, Sur na Korea. An grupo igwa nin siyam na miyembro na iyo sinda Xiumin, Suho, Lay, Baekhyun, Chen, Chanyeol, D.O., Kai asin Sehun. An banda pigmokna nin SM Entertainment kan 2011 asin nagdebyu kan 2012. An saindang ipigluwas na kanta yaon sa tataramong Koreano, Mandarin, asin Hapones - na may temang pop, hip-hop, asin R&B kaiba an mga elemento nin electronic dance music na genre arug kan house asin trap. An banda iyo napabilang saro sa enot na limang pinakaimpuwensyal na celebrity sa lista nin Forbes Korea Power Celebrity poon kan 2014 hasta 2018 asin pigbansagan bilang "Kings of K-pop" asin "Biggest boyband in the world" kan nagkapirang media outlet.

An banda nagdebyu na igwang doseng miyembro na nakasuway sa duwang sub-group na iyo an: EXO-K (Suho, Baekhyun, Chanyeol, D.O., Kai, asin Sehun) sagkod EXO-M (Xiumin, Lay, Chen, sagkod mga nagligad na miyembro na sinda Kris, Luhan, asin Tao). Si Kris, Luhan, asin Tao nagsuway na sa grupo kaiba an mga piglalabang legal kan 2014 and 2015 uli sa kontrata. An EXO-K asin EXO-M nagkakanta sa tataramong Korean asin Mandarin hasta sa pagluwas kan saidang pangatolong EP Overdose kan 2014. Puon 2014, an Exo nagpeperformar bilang sarong grupo pero padagos man giraray an pagkanta nin multilingwal. An mga miyembrong si Chen, Baekhyun, asin Xiumin nagdebyu bilang sub-unit na EXO-CBX kan 2016, asin an miyembrong si Sehun asin Chanyeol nagpuon sa pagpromotar kan sub-unit na EXO-SC kan 2019. An kada miyembro man mantido an saindang mga solong karera sa musika, pelikula, asin telebisyon.

An enot na album kan EXO na XOXO (2013), iyo pigluwas kaiba an labis na suminikat na solong "Growl", na pigsasabing kritikal asin trayumpo sa komersyo. Nakabenta ini nin harus sarong milyon na kopya kun sain an EXO an nagin enot na Koreanong artista na makagibo kaini sa laog nin doseng taon. An saidang mga suminunod na kagibuhan nakakua man nin makusog na benta, kun sain an saindang kada studio album na Koreano nabebenta nin harus sarong milyon na kopya. An saindang ika-anom na album na Don't Mess Up My Tempo (2018), iyo an nagin nindang pinahalangkaw na album sa US Billboard na tsart na nagdebyu sa numero 23, asin man an pinakabentang album sa Sur na Korea kun sain nakabenta ini nin harus 1.9 na milyong kopya.

An EXO guminana nin nagkapirang gawad sa kahiwasan kan saidang karera kaiba an limang surunudan na Album of the Year na gawad sa Mnet Asian Music Awards asin duwang sunudan na Artist of the Year na gawad sa Melon Music Awards. Nakapagperformar man sinda nin harus 100 na konsyerto sa apat na headlining tours asin nagkapirang joint tours. Sa luwas kan musika, an mga miyembro kan banda igwang mga pig-eendorsong tatak arug kan Nature Republic asin Samsung, asin nagpartisipar man sa mga pilantropikong kagibuhan arug kan Smile For U na iyo sarong presenteng proyekto kan SM Entertainment asin UNICEF na nagpuon kan 2015.