HBO

HBO
	productora de cine y pay television channel (en)
Llocalización
Sede	Nueva York
Direición	Estaos Xuníos
Historia
Fundación	8 payares 1972
Fundador	Charles Dolan
Eslogan	It's More Than You Imagined. It's HBO (en)
Organigrama
Dueñu	Home Box Office, Inc. (es)
Direutor executivu	Richard Plepler
Sector
Industria	Televisión per suscripción
Participación empresarial
Organización matriz	Warner Bros. Discovery (es)
Filiales	ver Cinemax; Cinemax; HBO Films (es) ;
Propietariu de	ver HBO Films (es) ; Screen Red (en) ; HBO (es) ; HBO GO (es) ; HBO Now (en) ; Cinemax;
	Web oficial

HBO (sigles de Home Box Office, n'inglés, "taquilla en casa") ye una de les canales de televisión per cable y satélite más populares d'Estaos Xuníos y Llatinoamérica. Ye propiedá de la empresa d'Estaos Xuníos Time Warner y la so sede central atópase en Nueva York. La so programación ta basada nel estrenu de películes yá exhibíes en cine y en películes y series de producción propia, ente les que destaquen Los Sopranu, The Wire, Band of Brothers, The Pacific, Sex and the City, True Blood y Game of Thrones. Coles mesmes, HBO tresmite engarradielles de boxéu so la denominación de HBO Boxing & B.A.D. (Boxing After Dark), según otros eventos deportivos. N'avientu de 2010, la canal cuntaba con 28,6 millones de suscriptores n'Estaos Xuníos, lo que-y convierte na cadena de televisión per cable y satélite con más abonaos d'esi país.^[1]

HBO foi la primer canal de televisión per cable y satélite que nun usaba la rede d'espardimientu terrestre de televisión habitual hasta entós. Empezó les sos emisiones en 1965, cuando Charles Francis Dolan ganó una concesión de televisión nel Baxu Manhattan. En llugar d'usar cable de teléfonu o microondes, empezó a tender cable so les cais de Manhattan. En 1972, empezó a usar microondes y en 1975, HBO foi la primer cadena qu'emitía vía satélite. Gracies a esta meyora, pudo tresmitir en direutu un alcuentru de boxéu ente Muhammad Ali y Joe Frazier en Manila. En 1986, HBO tamién foi la primera en codificar la so emisión, por que namái la recibieren quien pagaben pola señal.

HBO tamién tien otres canales en Llatinoamérica como HBO 2, HBO Plus, HBO Family, HBO Signature, HBO On Demand, Max, Cinemax, Max Prime y Max Up, amás de les sos versiones en HD. La cadena ta presente n'alredor de 150 países de tol mundu.^[2]

Tolos programes producíos son llicenciaos so la marca de HBO International.

↑ The mysterious disappearance of HBO subscribers, The Hollywood Reporter (vía Reuters), 13 de setiembre de 2010.
↑ Time Warner: HBO: Home Box Office

[1] The mysterious disappearance of HBO subscribers, The Hollywood Reporter (vía Reuters), 13 de setiembre de 2010.

[timewarner-2] Time Warner: HBO: Home Box Office

[1]

[2]