Iftar

An iftar (Arabic: افطار, romanisado: ifṭār) iyo an pamanggihan para sa pansamantalang pagtunong sa pag-ayuno kan mga Muslim sa Ramadan sa panahon kan adhan (pangapodan sa pagpamibi) kan pangadyeon na Maghrib.

Iyo ini an saindang ikaduwang pagkakan sa aldaw; an aldawan na pag-ayuno durante kan Ramadan nagpopoon tulos pagkatapos kan pagkakan bago an daliwawa kan suhur asin nagpapadagos durante kan mga oras sa kaaldawan, nagtatapos sa sinarom sa pambangging pagkakan kan iftar.