Sarapang

Sarapang atawa Trisula adalah tumbak bamata talu, ngaran trisula baasal matan basa Sanskerta trishul nang baarti talu tumbak. Disambat jua lawan ngaran trident amun di basa Inggris. Sarapang jua digunaakan ulih retarii, gladiator nang baisi panampilan kaya nalayan (mambawa lunta).

Sarapang wayah ngini rancak dikaitakan lawan iblis ulih mitulugi Karistin. Ngini pinanya marga pamakaian sarapang dalam agama pagan. Sarapang marupakan sanjata Siwa, saiukung diwa matan Trimurti nang disambah rahatan kajayaan karajaan Hindu-Buddha di Jawa. Sarapang ditamui Kaitu jua agama pagan Yunani-Romawi, yaitu diwa Poseidon (Neptunus) diwa panguasa laut nang rancak mambawa sarapang. Poseidon adalah diwa panambaian, wan tapanting mun dibanding dua Zeus di kabudayaan Myceneae.

Sarapang jua dipakai sabagai sanjata utama ulih tantara Korea bahari, balain lawan tantara Cina wayah ngitu nang mamakai tumbak lawan mata batawas daun.

Dalam taradisi sapiritual Hindu, trisula adalah simbul mata katalu.