Vanitas

Ванитас (лат. vanitas — «ахаль тӑрӑшни, уссӑр мухтану») — барокко тапхӑрӗн ӳнер жанрӗ, аллегориллӗ натюрморт, унӑн композицийӗн тӗп вырӑнне яланхи пек ҫын пуҫ купташки йышӑнать. Натюрмортӑн ирхи аталанӑвӗн, пурнӑҫ хӑвӑрт иртнине, уссӑр киленӳ тата вилӗм тӑтӑшсӑр ҫывхарса килнине аса илтерес тӗллевпе ӳкернӗ ӳкерчӗксем. Ытларах Фландрире тата Нидерландсенче XVI тата XVII ӗмӗрсенче сарӑлнӑ, жанрӑн хӑшпӗр тӗслӗхӗсем Францире тата Испанире тӗл пулни пур.

Термин Кивӗ халалӑн сӑввинчен (Еккл. 1:2) «Уссӑр тӑрӑшни, каланӑ Екклесиаст, уссӑр тӑрӑшни, — пур те уссӑр тӑрӑшни!» (лат. vanitas vanitatum dixit Ecclesiastes vanitas vanitatum omnia vanitas) пулса тухнӑ.