Istituto Nazionale di Statistica

S Istituto Nazionale di Statistica (ISTAT; dytsch: Nationals Instidut für Statistik) isch s italiänische Statistikamt. Es het si Sitz in Rom und het äänligi Ufgoobe wie s Statistische Bundesamt z Dütschland oder d Statistik Austria in Ööstriich. Es isch im Joor 1926 gründet worde, under anderem isch s für Volkszellige zueständig und beobachdet und analüsiert die wirtschaftligi Däätigkäit (Broduktiwidäät), s Konsumverhalte, d Alldaagskultur, d Gsundhäit, s Freizitverhalte, d Baudäätigkäit und e hufe anders. Es berächnet au dr Verbruucherbriisindex und wird immer wider emol drfür kritisiert, ass es e Waarechorb uslääsi, wo realidäätsfärn sig.