Namibia

Republic of Namibia Republik Namibia
Wahlspruch: Unity, Liberty, Justice engl., „Eiheit, Freiheit, Grächtikeit”
Amtsspraach	Englisch Nationalschbroche: under anderem Afrikaans, Dütsch[1], Oshivambo
Hauptstadt	Windhoek
Staatsoberhaupt	Nangolo Mbumba
Regierigschef	Saara Kuugongelwa-Amadhila
Flächi	824.292 km²
Iiwohnerzahl	2.052.000 (2006)
Bevölkerigsdichti	2,4 Iiwohner pro km²
Brutto­inlands­produkt pro Iiwohner	3.330 US-Dollar (2006)
Währig	Namibia-Dollar
Unabhängigkeit	vo Südafrika am 21. März 1990
Nationalhimne	Namibia, Land of the Brave
Nationalfiirtig	21. März
Zitzone	UTC+ 1
Kfz-Kennzeiche	NAM
Internet-TLD	.na
Vorwahl	+264

Namibia (amtlig: Republik Namibia, dt. Uuschbroch: [naˈmiːbi̯a], iidütscht Namibie) isch ä Schdaat im südlige Afrika zwüsche Angola, Sambia, Botsuana, Südafrika und em Atlantische Ozean.

Dr Name vom Staat leitet sich vo der Wüeschdi Namib ab, wo s ganze Küschtegebiet vom Land inimmt. Er isch bi dr Unabhängikeit as neutrali Bezeichnig uusegläse worde, für zum keis vo de vile namibische Völker z verärgere. Im dütschschbrochige Ruum exischtiert immer no die Bezeichnung „Namibie“, wo mä hüt weniger bruucht. Z Namibia wird hüfig au vo „Südwescht“ as Abchürzig für Südweschtafrika (früehner emol Dütsch-Südweschdafrika oder zwüsche 1919 und 1990 Südweschdafrika) gredet, ä Begriff, wo bi de Iiwohner – je noch Huutfarb und dr politische und gschichtlige Brägig – sehr underschiidligi Assoziatione verursacht.

Us de gliiche politische Gründ het mä 1990 nit die bishärige Amtsschbroche bhaltet sondern die änglischi Schbroch iigfüehrt, wo vili vo de Eltere, vor allem im Norde vom Land, nüt beherrsche. Die meischte Schwarze schwätze näbe ihren eigene Schbroche Afrikaans, mänggisch au Dütsch.

Dr Nationalfiirdig isch der 21. März, dr Dag vo der Unabhängikeit (1990).

1. ↑ Bericht der Allgemeinen Zeitung Archivlink (Memento vom 24. Juni 2008 im Internet Archive)