Abel Tasman

Abel Tasman
Vida
Nacimientu	Lutjegast[1], 1603[2]
Nacionalidá	Provincies Xuníes de los Países Baxos [3]
Llingua materna	neerlandés
Muerte	Xakarta[4], 10 d'ochobre de 1659[5] (55/56 años)
Familia
Casáu con	valor desconocíu valor desconocíu
Estudios
Llingües falaes	inglés neerlandés[6]
Oficiu	esplorador, marín

Abel Janszoon Tasman (1603, Lutjegast – 10 d'ochobre de 1659, Xakarta) foi un marín, esplorador y comerciante neerlandés, famosu polos viaxes realizaos ente 1642 y 1644 al serviciu de la Compañía Neerlandesa de les Indies Orientales (Vereenigde Oostindische Compagnie, conocida poles sos sigles VOC).

La suya foi la primer espedición europea conocida que llegó a la islla de Van Diemen (güei conocida como Tasmania) y a Nueva Zelanda, y que columbró les islles Fixi en 1643. Tasman, el so pilotu, Visscher, y el so sobrecargu, Gilsemans, cartografiaron partes importantes de les costes d'Australia, Nueva Zelanda y de delles de les islles del Pacíficu. El so trabayu yera investigar el territoriu conocíu como «Nueva Holanda», güei Australia, de la que los holandeses afayaren la mariña oeste y tenía de determinar si la zona pertenecía a la Terra Australis.

La VOC esperaba que Tasman pudiera alcontrar un nuevu y inexploráu continente con fines comerciales, o siquier, atopar un estrechu al traviés de Nueva Guinea que los conduxera al Pacíficu. Tasman nun consiguió nengún d'esos oxetivos, anque xeográficamente, les sos espediciones fueron de les más granibles de la historia.

1. ↑ «Biografisch Portaal». Consultáu'l 8 payares 2017.
2. ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
3. ↑ «Abel Jansoon Tasman. His life and voyages (maps)» (inglés). Universidá de Tasmania.
4. ↑ «Tasman, Abel Janszoon (1603–1659)» (inglés). Consultáu'l 11 abril 2021.
5. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
6. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.