Guinness

Evit implijoù all, gwelet Guinness (disheñvelout).

Guinness (distaget [ɡɪnɨs] e saozneg) a zo ur bier brudet eus Iwerzhon ijinet e 1759 gant Arthur Guinness (1725-1803) en e vreserezh eus Geata San Séamais e Dulenn. Unan eus bieroù brudetañ ar bed eo. 850 milion a litradoù a vez gwerzhet anezhañ bep bloaz. Ur bier du eo, brudet e vlaz hag ar gwiskad eon diennek tev a vez war e c'horre. Daoust ma'z eo diazezet ar gompagnunezh e Londrez abaoe 1932 ez eo Guinness unan eus arouezioù Iwerzhon. En Iwerzhon paneveken e vefe servijet 1 milion a bintadoù Guinness bemdez.