Blade Runner 1982an Ridley Scott ingeles zinema zuzendariak zuzendutako zientzia-fikziozko filma da. Philip K. Dick idazlearen Do Androids Dream of Electric Sheep? (1968) ("Amesten al dute androideek ardi elektrikoekin?") eleberrian oinarritua, nahiz eta bien arteko desberdintasunak esanguratsuak diren. Harrison Ford, Rutger Hauer, Sean Young eta Edward James Olmos aktoreek antzeztu zuten.
Bi oscarretarako proposatu zuten. Hasieran ez zuen oso kritika onik jaso, eta estreinaldian harrera apala izan bazuen ere, urteen joanean klasikoa eta kultuzko filma bilakatu da. Horren arrazoietako bat hainbat bertsio egotea da. Ziberpunk mugimenduaren aitzindarietakotzat jotzen dute.
Soinu banda ahaztezina Vangelis greziar musikagileak konposatu zuen, eta izen bereko Blade Runner doinu kitzikagarria mundu osoan oso ospetsu bilakatu zen.
2017an Blade Runner 2049 izeneko jarraipena izan zuen.
© MMXXIII Rich X Search. We shall prevail. All rights reserved. Rich X Search