Royal Navy

D Royal Navy, änglisch für Königlechi Marine, isch d Chriegsmarine vom Vereinigte Königriich. Wäg der Insellag isch d Royal Navy in der Gschicht vo de britische Insle scho immer wichtig gsi. Das gilt für d Verteidigung als au für die imperialistischi Expansion vom Britische Wältrich. Uf em Höhepunkt vo ihrer Macht isch d Royal Navy die kampfschtärchsti Marine vo der Wält gsi. Au im 21. Jorhundert isch d Royal Navy eini vo de gröschte Marine vo der Wält. D Royal Navy isch eini vo de sächs Marine wältwit, wo U-Boot mit nukleare Interkontinentalragete het. Zäme mit de Royal Marines, de Naval Reserve Forces und em Naval Careers Service bildet d Royal Navy der Naval Service (au Senior Service gnennt) vo de britische Schtritchräft.