Lenovo

Lenovo
Datuak
Izen ofiziala	Lenovo Group Limited, 联想集团有限公司 eta 联想集团有限公司
Mota	negozioa, enpresa eta kapital irekiko enpresa
Jarduera sektorea	elektronika eta hardwarea
Herrialdea	Txinako Herri Errepublika
Jarduera
Kidetza	Linux Fundazioa, Wi-Fi Alliance, CVE Numbering Authority (en) eta FIDO Alliance (en)
Eskumendekoak	Motorola Mobility (en) , LenovoEMC (en) eta Medion (en)
Enplegatuak	77.000 (2023ko uztailaren 19a)
Ekoizpena	telefono adimentsu, mahai gaineko ordenagailu, zerbitzari, Ordenagailu eramangarri, tableta, netbook, Periferiko, inprimagailu, telebista, Eskaner, Memoria, hardware, software eta consumer electronics (en)
Agintea
Zuzendari exekutiboa	Yang Yuanqing (en)
Egoitza nagusi	Pekin
Legezko forma	kapital irekiko enpresa
Zeren jabe	Lenovo IdeaTab tablets (en) , ZUK Mobile (en) eta Medion (en)
Ekonomia
Diru-sarrerak	50.710.000.000 $ (2020)
Irabazi garbia	804.000.000 $ (2020)
Ustiapen-mozkina	1.438.000.000 $ (2020)
Burtsa-kapitalizazioa	13.367.000 $ (2021eko apirilaren 4a)
Balore-burtsa	Hong Kongeko burtsa
Historia
Sorrera	1984
Sortzailea	Liu Chuanzhi (en)
Sorlekua	Pekin
webgune ofiziala

Lenovo Group Ltd.^[1] (txinera tradizionalez: 联想集团; pinyinez: Liánxiǎng jítuán), normalean Lenovo deitua, Txinako teknologia konpainia multinazional bat da, egoitza nagusia Pekinen daukana. Konpainiak produktu elektronikoak, PDAk, ordenagailu pertsonalak (eramangarriak eta mahaigainekoak), tabletak, telefono adimendunak, lan-estazioak, zerbitzariak, biltegiratze elektronikoko gailuak, Informazio teknologiak administratzeko softwareak, telebista adimendunak, netbookak, periferikoak, inprimagailuak, ordenagailu-eskanerrak, memoriak, aurikularrak eta telefono mugikorretarako esku libreak diseinatu, garatu, fabrikatu eta saltzen ditu. Integrazioari buruzko informazioaren eta euskarri-zerbitzuen teknologia ere eskaintzen du, eta bere QDI unitateak manufaktura-kontratuak eskaintzen ditu. Konpainiak Interneterako sarbidea ere eskaintzen du FM365.com webgunean.

Lenovo 1984ko azaroan sortu zen Pekinen, Legend izenarekin, eta Hong Kongen sartu zuten 1988an. Konpainiak 2005ean IBMren ordenagailu pertsonalen negozioa erosi zuen eta 2014an Intelen oinarritutako zerbitzarien negozioa erostea adostu zuen. 2012an telefono adimendunen merkatuan sartu zen eta 2014tik aurrera Txina kontinentaleko telefono adimendunen hornitzaile handiena izan da. 2014an, konpainiak Googleren Motorola Mobility telefono mugikorren fabrikatzailea erosi zuen. 2017ko azaroan, Lenovok Fujitsuko konputagailu pertsonalen negozioa erosi zuen 157 milioi dolarren truke, osagai informatikoen hornidura ziurtatzeko eta, horrela, kostuak merkatzeko.^[2][3][4]

Lenovok 60 herrialdetan baino gehiagotan ditu operazioak eta 160 herrialdetan saltzen ditu bere produktuak. Lenovoren egoitza nagusiak Pekinen eta Morrisvillen (Ipar Carolina, AEB)^[5] daude, ikerketa zentruekin Pekinen, Shanghaien, Shenzhenen, Xiamenen, Chengdun, Nanjingen, Wuhanen, Yamaton (Kanagawako prefetura, Japonia) eta Morrisvillen. NECekin enpresa bateratu bat ere badu, Lenovo NEC Holdings izenekoa, japoniar merkaturako ordenagailu pertsonalak ekoizten dituena.

2015ean, Lenovo ordenagailuen nazioarteko fabrikatzaile nagusia bihurtu zen munduko salmentetan HP gainditu eta gero^[6]. Lenovok, 2019ko martxotik aurrera, munduko konputagailu pertsonalen saltzailerik handiena izaten jarraitzen du.

Lenovok bere akzioak Hong Kongeko Burtsan kotizatzen ditu eta Txinako Hang Seng Indizean afiliatutako korporazioen kide da.

1. ↑ «Corporate Information | Lenovo» investor.lenovo.com (Noiz kontsultatua: 2021-02-23).
2. ↑ (Ingelesez) «Lenovo Takes Control of Fujitsu PCs as Revenue Tops Estimates» Bloomberg.com 2017-11-02 (Noiz kontsultatua: 2021-02-23).
3. ↑ Shilov, Anton. «Lenovo to Acquire Controlling Stake of Fujitsu’s PC Business» www.anandtech.com (Noiz kontsultatua: 2021-02-23).
4. ↑ (Ingelesez) Shida, Yoshiyasu. (2017-06-06). «Fujitsu to reach agreement "soon" on integrating PC business with Lenovo» Reuters (Noiz kontsultatua: 2021-02-23).
5. ↑ «Our Company - United States» web.archive.org 2013-04-01 (Noiz kontsultatua: 2021-02-23).
6. ↑ (Gaztelaniaz) Lenovo se consolida como líder a nivel mundial en ventas de Pc | Centroamérica & Caribe IT. 2016-04-17 (Noiz kontsultatua: 2021-02-23).